Mga operator ng taxi, inatasang magsumite ng legal na mga tsuper
MATAPOS ang matagal ng panahon, inatasan ng Land Transportation Franchising and Regulatory Board sa pamamagitan ng isang Memorandum Circular ang lahat ng operator ng taxi na pumapasada sa National Capital Region na magsumite ng talaan ng mga lehitimong tsuper. Kailangan ito upang mapanatili ang disiplina, responsibilidad at pananagutan sa mga tsuper na taxi para sa kapakanan ng mga pasahero.
Inilunsad ng LTFRB ang kampanya at suportado ng Land Transportation Office, Department of Transportation and Communications (DOTC) Action Center, Philippine National Police Highway patrol Group at maging ng DILG Emergency 117.
Suportado ang kautusang ito ng Philippine National Taxi Operators Association, Association of Taxi Operators of Metro Manila, Airport Transport Concessionaries Association, Inc. at ng National Center for Commuter Safety Protection sa paglulunsad ng programa laban sa mga krimeng nagaganap sa mga taxi.
Sa nakalipas na ilang linggo, tumaas ang bilang ng mga reklamo laban sa mga bastos ng tsuper ng taxi at kawalan ng responsibilidad. Ilang pasahero na ang nabiktima ng mga mandarambong na taxi driver. May mga nawalan ng mahahalagang kagamitan dahilan sa ilang taxi drivers.
Dapat magpadala ng soft and hard copies ng mga tsuper nila sa Metro Manila sa Information and System management Division ng LTFRB bago sumapit ang ika-15 ng Enero. Dapat lamang nakalagay ang buong pangalan at address ng mga lehitimong tsuper.
Kasama sa itatala ang mga pangalan ng mga tsuper na hindi na nagtatrabaho ngayon. Nakatakda rin silang magsumite ng mga talaan sa bawat ika-labing lima at katapusan ng bawat buwan.
1 2 3 4 5 6 7 8
