Senador Grace Poe, nababahala sa pagtaas ng carnapping sa Pilipinas
SINABI ni Senador Grade Poe na nakababahala ang mga ulat sa pagtaas ng bilang ng carnapping sa Pilipinas. Sa kanyang paunang pananalita sa pagdinig ng Senate Committee on Public Order and Dangerous Drugs, sinabi ni Senador Poe na umabot na sa 3,170 mga insidente ng carnapping ang naitala ng Philippine National Police mula Enero hanggang Hunyo ng 2014. Tumaas umano ito ng may 68.5% mula sa 1,881 kaso noong 2013. Umaabot sa dalawang kotse at 15 motorsiklo ang nananakaw sa bawat araw.
Sa pagtaas ng bilang ng mga nabibiling sasakyan, tumaas din ang bilang ng mga nakawan. Tinatangay ang mga sasakyan at sumasailalim ng remodelling at nabibigyan pa ng palsipikadong mga dokumento ng Land Transportation Office bago ito maipagbili.
Nakataya umano ang ari-arian ng mga mamamayan tulad rin ng kaligtasan at seguridad ng mga Filipino. May mga napapaslang na dahil sa carnappiung at maging sa illegal towing na gawa ng ilang mga tow-truck services.
Nais ng senador na mabatid kung may pagkukulang pa sa bvatas kaya't hindi napipigil ang carnapping. Ang pinakahuling batas sa carnapping ay nilagdaan pa noong 1972. Noong mga panahong iyon ay 400 hanggang 420 kaso ng carnapping ang naitatala sa bawat taon.
1 2 3 4 5
