Mga banyagang investor, interesado sa Pilipinas
MANGANGALAKAL, INTERESADO SA BANSA. Sinabi ni Director General Lilia de Lima na hinahanap ng mga mangangalakal ang mga manggagawang Filipino. Tumataas ng mula lima hanggang waleng porsiyento ang biläng ng mga nagtatayo ng negosyo sa loop ng mga special economic zones. (Melo M. Acuna)
SINABI ni Philippine Economic Zone Authority Director General Lilia De Lima na patuloy na umiinit sa mata ng mga mangangalakal na banyaga ang Pilipinas sapagkat marami ang mga intresadong maglagak ng mga pagawaan sa mga special economic zones.
Ipinaliwanag ni Atty. De Lima na ang isa sa mga dahilan ay ang magagaling na manggagawang Filipino. Lumalago ng may lima hanggang walong porsiyento ang mga kalakal na pumapasok sa bansa.
Manufacturing ang nangunguna at sumusunod sa Information Technology. Madali umano ang set-up ng mga IT establishments kaya't lumalago ang mga ito.
Sa panayam bago naganap ang All New Innova Roll-Off Ceremony sa Toyota Special Economic Zone na dinaluhan ni Atty. De Lima bilang panauhing pandangal, kailangan umanong napabilis pa ang serbisyo ng internet sapagkat mahalaga ang connectivity sa mga kumpanya.
Ang mataas na presyo ng kuryente ay maaaring maibsan sa pagpasok ng renewable energy sa iba't ibang bahagi ng Pilipinas. Unang naglingkod si Atty. De Lima sa PEZA mula noong 1995 sa ilalim ni Pangulong Fidel V. Ramos at nagpatuloy hanggang sa maging pangulo sina Joseph Estrada, Gloria Macapagal-Arroyo at Benigno Simeon C. Aquino III.
1 2 3 4 5
