Mas matataas na multa ang naghihintay sa mga lalabag sa batas
TINIYAK ng Land Transporation Franchising and Regulatory Board (LTFRB) na mas mataas ang magiging mula sa mga pampasaherong sasakyang walang prangkisa. Magaganap ito sa ilalim ng Joint Administration Order 2014-01 (JAO) na inilabas kasama ang Land Transportation Office at sinangayunan ng Department of Transportation and Communications.
Magsisimula ang bagong kalakaran sa Huwebes, ika-19 ng Hunyo. Inilabas din ng LTFRB ang Memorandum Circulars upang liwanagin ang pagpapatupad ng JAO sa mga out-of-line violations at mga truck na ipina-aarkila.
Sapagkat pag-aaralan ng LTFRB ang rationalization ng authorized routes, suspendidno ng may 120 araw ang pagpapatupad ng mas mataas na multa at iba pang penalties sa out-of-line units.
Idinagdag ni LTFRB Chairman Winston Ginez na inutusan sila ni Kalihim Joseph Emilio Aguinaldo Abaya na kailangang magkaroon ng re-evaluation ng mga ruta ng bus.
Sang-ayon sa Memorandum Circular, ang mga colorum na truck for hire, ang mga may puting plaka, sa oras na magsumite ng franchise application, ay mabibigyan ng Provisional Authority na may bisa ng 120 araw.
Saklaw ng kautusan ang mga Public-Utility-Vehicle-related violations tulad ng pagtanggi sa pasahero sa kanilang patutunguhan, malabis na paniningil, pagkakaroon ng mga walang modong mga tsuper, pagpapatakbo ng mga sasakyang pangpubliko na wala sa maayos na kalagayan, paggamit ng mga depektibong metro at biglang pagpapababa ng mga pasahero upang makabalik kaagad sa pinagmulan.
Sa pagkakabisa ng JAO sa ika-19 ng Hunyo, ang colorum bus operators ay pagmumultahin ng P 1 milyon samantalang ang truck at van operators ay magmumula ng P 200,000, sedan operators, P 120,000, may may-ari ng pampasaherong jeepney, P 50,000 samantalang ang mga nasa tricycle business ay magmumulta ng P 6,000.
1 2 3 4 5 6 7 8 9
