Pangalawang Pangulong Binay, Senador Grace Poe at Kalihim Mar Roxas nanguna sa SWS Survey
NANGUNGA pa rin si Pangalawang Pangulong Jejomar C. Binay, Senador Grace Poe at Interior Secretary Mar Roxas sa mga napipisil ng mga mamamayang pamalit kay Pangulong Benigno Simeon C. Aquino III sa pinakahuling survey ng Social Weather Stations.
Mayroong 37% si G. Binay samantalang may 21% si Senador Grace Poe samantalang nakapagtala naman si Kalihim Roxas ng 13% ayon sa survey na unang inilathala sa pahayagang BusinessWorld.
Ginawa ang survey sa may 1,800 respondents sa buong bansa at may sampling error na plus or minus 2% para sa pambansang percentages; plus or minus 6% para sa Metro Manila, Balance Luzon at Mindanao samantalang mayroong plus or minus 3% para sa Visayas.
Itinanong sa mga mamamayan ang kanilang pananaw sapagkat ayon sa Saligang Batas, magtatapos ang termino ni Pangulong Aquino sa 2016 at magkakaroon ng halalan. "Sino sa akala ninyo ang marapat pumalit kay Pangulong Aquino.? Makapagbibigay kayo ng tatlong pangalan."
Nagkaroon si Senador Miriam Defensor Santiago ng 10%, Senador Francis Escudero 9%, Manila Mayor Joseph Estrada 9%, Davao City Mayor Rodrigo Duterte 5%, Senador Antonio Trillanes IV 5%, Senador Ferdinand Marcos, Jr. 3%, Senador Allan Peter Cayetano, 3%, dating Senador Manuel Villar, 2%, Senador Ramon "Bong" Revilla, Jr. 2%, Rehab Czar Panfilo Lacson, 2%, Senador Loren Legarda, 1%, Senate President Franklin M. Drilon, 1% at Presidential Assistant for food Security and Agricultural Modernization Francis "Kiko" Pangulinan, 1% at Congressman Emmanuel "Manny" Pacquiao, 1%.
Sa isang statement na ipinadala sa media, nagpasalamat si Vice President Jojo Binay sa kanyang natamong ratings sa pinakahuling SWS survey.
1 2 3 4 5
