Pangulong Aquino, nanawagang huwag nang magpaputok
HUWAG na kayong magpaputok. Ito ang mensahe ni Pangulong Aquino sa madla.
Binalaan ni Pangulong Aquino ang mga mamamayan sa masamang epekto ng mga paputok sa kapaligiran at sa buhay ng mga mamamayan. Sa kanyang mensahe, sinabi ng pangulo na sa makapal na usok apektado ang kapaligiran at ang malakas na ingay ay makapipinsala sa pandinig ng ibang mamamayan. Magdudulot din ang mga paputok ng panganib sa mga kababayan.
Mas makabubuting pagtuunan ng pansin ang mga mahal sa buhay sa halip na gumastos pa sa paputok sa pagsalubong sa 2015. Unang naibalita ng Kagawaran ng Kalusugan na umabot na sa 162 ang kaso ng mga firecracker-related injuries. Mas mababa ito ng 29% kaysa taunang average mula 2009 hanggang 2013.
Sa Pilipinas, tanging Davao City ang estriktong nakakapagpatupad ng pagbabawal sa paggamit ng mga paputok.
1 2 3 4 5 6
