Kaunlaran, nararapat pakinabangan ng nakararami
BUSINESS PROCESS OUTSOURCING, MABUAY NA KALAKAL. Sapagkat walang infrastructure investment ang mega BPOs at call centres, madly slang makakaalis ng bans sa oras na makatagpo ng mas murang pasahod at mas matatas mag-Ingles. ito ang pahayag ni Manuel V. Pangilinan sa Employers Confederation of the Philippines kanina. (Larawan ni Melo Acuna)
KAUNLARAN, nararapat pakinabangan ng nakararami," ito ng buod ng talumpati ni Manuel V. Pangilinan, chairman ng Philippine Long Distance Telephone Company sa pagtatapos ng ika-36 na National Conference of Employers ng Employers Confederation of the Philippines sa Grand Ballroom D ng Marriott Hotel, Manila kanina.
Sa kanyang talumpati, sinabi ni G. Pangilinan na marami silang mga kalakal ngayon at layunin nilang mapaunlad ang kalagayan ng negosyo upang pakinabangan ng mga kawani at ng bansa.
Ani G. Pangilinan, sa oras na magkaroon ng mas maraming kalakal, mas maraming trabaho ang makakamtan at maiibsan ang kahirapan.
Binanggit niya ang mga nangungunang sektor ng kalakal na magdudulot ng mas maraming trabaho. Ang mga ito ay ang Turismo at Pagmimina. Kabilang din ang Medical Tourism at Retirement Homes.
Ang mga Call Center sa larangan ng Business Process Outsourcing ay isang mabuay na sektor ng hanapbuhay sapagkat walang infrastructure investments ang mga na sa BPOs. Ani G. Pangilinan, sa oras na makatagpo ang mga ito ng mas murang pasahod at magagaling mag-Ingles, madaling maka-aalis ang mga ito at makakalipat ng bansa.
Wala pa ring tatalo sa pagkakaroon ng mga pagawaing bayan na sasaklaw sa mga lansangan, tulay, daungan at mga paliparan sapagkat bukod sa pagkakaroon ng maraming magkakatrabaho, mapakikinabangan ang mga ito ng mga mangangalakal.
Sa kanyang pagtatapos, kailangang maganda ang takbo ng kalakal upang mapakinabangan ng iba't ibang sektor ng lipunan, dagdag pa ni G. Pangilinan.
1 2 3 4 5 6
