Kaunlarang nakakamtan ng Pilipinas, 'di matatag
KAHIT pa sinabi ng Malacanang na umuunlad na ang ekonomiya ng bansa, ang inaasahang pagbagal ng paglago nito sa ikalawang tatlong buwan ng taong 2015 ang nagpapakita ng senyal ng humihinang kaunlaran.
Ayon sa IBON, ang growth figure na ito ang pinakamahina sa loon ng apat na taon. Naniniwala sila na ang anumang economic growth ay hindi magiging matatag at mababaw samantalang umaasa ang Aquino administration sa external factors sa halip na gumawa at palakasin ang ekonomiya ng bansa.
Nauna ng binanggit ni National Economic and Development Authority Director-General Arsenio M. Balisacan na ang second quarter gross domestic product ay hindi uunlad ng 7.7% sa ikalawang kwarter at umunlad ng mas mababa kung ihahambing sa nakalipas na taon na umabot sa 6.4%. Kailangang lumago ang ekonomiya ng may 7.7% mula sa ikalawa hanggang sa ika-apat na kwarter upang umabot sa 7-8% GDP growth sa buong taon.
Bumagal ang pag-unlad dahilan sa mabagal na exports. Ang ekonomiya ay sumikip noong April hanggang Hunyo ng taong 2015. Ang total value exports para sa unang anim na buwan ng taong 2015 ay bumaba sa US$ 28.8 mula sa US$ 30.2 bilyon noong 2014.
Idinagdag pa ni G. Balisacan na ang manufacturing ay mas mahina noong Hunyo ng taong ito sa pagkakaroon ng 7.3% contraction kung ibabambing sa 10.1% na nakamtang kaunalran noong Hunyo ng 2014. Kung volume ang pag-uusapan, bumaba ang manufacturing ng may 3.6% kung ihahambing sa 12.7% growth noong Hunyo 2014.
1 2 3 4 5 6
