Mga terorista, madaling nakakapasok sa Pilipinas
MAY mga banyagang terorista na nakakapasok sa Pilipinas. Ito ang sinabi ni retired General Rodolfo "Boogie" Mendoza, Jr. sa idinaos na pagtitipon ng mga mamamahayag kaninang umaga.
Sinabi ni General Mendoza na si Marwan ang siyang naging liaison o tagapag-ugnay sa iba't ibang grupong kumikilos sa Mindanao. Bagaman, mayroong mga bumubuo ng grupong Khilafa Islamiya na may mga kasaping mula sa Bangsamoro Islamic Freedom Fighters at maging sa mga Abu Sayyaf.
Niliwanag ni General Mendoza na walang sinuman sa mga pinuno ng Moro Islamic Liberation Front bagama't mayroong "tactical alliance" sa pagitan nina Isnilon Hapilon at ang mga kasapi ng BIFF.
Ipinaliwanag pa ni General Mendoza na nangangahulugang mayroong mga sabayang pagsasanay, magkakasanib na pangangalap ng pondo at pagsasagawa ng mga operasyon.
Nagkaroon umano ng dalawang pagsasanay sa hangganan ng Mamasapano at isa pang bayan sa Maguindanao kamakailan na kinatampukan ng paggawa ng makabago at mas malalakas na pampasabog. Nagkaroon na rin ng mga pagsabog sa iba't ibang bahagi ng Mindanao.
Nagkaroon umano ng pagbabalak ang grupong Khilafa Islamiyang magparamdam sa nakalipas na pagdalaw ni Pope Francis sa Maynila noong isang buwan. Mabuti na lamang ang naging mahigpit ang seguridad na kinabilangan ng pagpapatay ng mobile phone cell sites.
Isang nagngangalang Abu Najib ang sinasabing pinuno ng grupo samantalang si Usman ang siyang nangungunang operative.
Idinagdag pa ng retiradong heneral na mahihirapan ang Office of the Presidential Adviser on the Peace Process (OPAPP) at Armed Forces of the Philippines (AFP) na habulin sa Usman sa oras na pumasok siya sa pinagkukutaan ng mga MILF sapagkat kinukunsinti ng kanilang pinuno ang pamamalagi ng terorista.
1 2 3 4 5 6 7
