Mga Pinoy sa Libya, uuwi na
DALAWANG grupo ng mga manggagawang mula sa Libya ang makakauwi na sa Pilipinas. Ang unang grupo na binubuo ng 46 katao ay dumating na kanianng ika-apat ng hapon sakay ng Emirates Flight 332 samantalang ang ikalawang grupo na may 31 katao ay darating sa Linggo, unang araw ng Marso sakay ng Qatar Airlines Flight QR 926 sa ganap na ikatlo ng hapon.
Nakaalis ang mga Filipino mula sa Tripoli at nagtungo sa Tunis sa pamamagitan ng hangganan sa Ras Jedier kamakalawa. Natulungan sila ni Chargé Adel Cruz sa pamamagitan ng pagtugon sa mga pangangailangan, nag-ayos ng kanilang flight at naghatid sa kanila patungo sa hanggangan ng Tunisia at Libya.
Ang embahada ng Pilipinas sa Tunis ang sumalubong sa mga Filipino at nakapaghanda sa kanilang paglalakbay pabalik sa Pilipinas. Mayroon nang 4,233 na mga Filipino ang nakauwi ng maayos sa bansa.
Ayon sa Department of Foreign Affairs, sasalubong ang mga opisyal ng Department of Foreign Affairs at Overseas Workers Welfare Administration. Patuloy ang kaguluhan sa bansa at isang malaking palaisipan sa pamahalaan kung paano mapapauwi ang may 4,000 mga manggagawa doon. Walang banyagang eroplano ang nakapaglalakbay sa Tripoli. Susunod na repatriation ay sa ika-walo ng Marso at kailangan lamang magpatala sa Embahada ng Pilipinas sa telephone numbers +218927471949, +218916555264 at +218916656134.
Puede ring tumawag ang mga kamag-anak na nasa Pilipinas sa Office of the Undersecretary for Migrant Workers Affairs sa telephone numbers 834-4996 o sa email address na oumwa@dfa.gov.ph.
1 2 3 4 5
