INATASAN ni Pangulong Benigno Simeon C. Aquino III si Lt. General Hernando Iriberri na ipagpatuloy ang kanyang sinimulang programang "Daang matuwid."
Sa kanyang talumpati sa change of command ceremonies sa AFP Chief of Straff, sinabi ni Pangulong Aquino na nais niyang mag-iwan ng isng bansang mas ligtas, mas payapa at mas maunlad.
Layunin din niyang magkaroon ng kawal na disiplinado at asintado. Pinuri din niya ang nagretirong AFP Chief of Staff na si General Gregorio Pio Catapang sa kanyang tapat na paglilingkod sa sandatahang lakas at sa pamahalaan.
Binanggit din ni Pangulong Aquino ang kasanayan ni General Catapang sa disaster preparedness at maging sa pagliligtas ng mga kawal sa Golan Heights. Mahalaga rin ang naging papel ni General Catapang sa panahon ng pagluluksa sa pagkasawi ng SAF 44 sa kamay ng mga Moro Islamic Liberation Front. Nadakip din umano ng mga kawal ang mga pinaghahanap na lider ng terrorista sa Mindanao.
Sa kanyang talumpati, sinabi ni Pangulong Aquino na magagamit na rin ang Barko ng Republika ng PIlipinas Tagbanua, ang unang landing craft utiulity na gawa sa Pilipinas at ang mga dagdag na mga kagamitan tulad ng tatlong naval helicopters, 60 field ambulances, troop carrier trucks. Mayroon pa umanong 36 na proyekto na nagkakahalaga ng P 90 bilyon na pambili ng 12 Lead-In Fighter Trainer Aircraft, anim na close air support aircraft, walong combat utility helicopters, 2 C-130 aircraft at dalawang frigates.
Samantala, hinamon ni Pangulong Aquino si Lt. General Iriberri na ipagpatuloy ang magandang nasimulan ni General Catapang at higit na itaas ang kalidad ng serbisyo ng mga kawal. Kailangang matiyak at malinis ang darating na halalan.
1 2 3 4 5 6 
