Exports ng Pilipinas, bagsak
BUMAGSAK ang merchandise exports ng Pilipinas ng may 17.4%, ang pinakamababa mula noong Disyembre 2011. Ito ang ibinalita ng National Economic and Development Authority.
Sinabi ni NEDA Officer-In-Charge at Deputy Director General Emmanuel F. Esguerra na ang sinapi ng Philippine exports ay siya ring tumama sa mga kalapit bansa sa rehiyon ang nagpapakita ng pagbagal ng pandaigdigang ekonomiya.
Ayon sa Philippine Statistics Authority, ang kinita ng Pilipinas sa exports ay umabot sa US$4.9 bilyon noong Mayo ng 2015 at malayo sa nakamtang US$5.9 bilyon noong 2014. Ang Pilipinas ang nagtamo ng pinakamalaking pagbaba ng export revenues sa trade-oriented economies ng silangan at timog-silangang Asia.
Ipinaliwanag ni G. Esguerra na ang pagbagal ng pandaigdigang kalakal ay sanhi ng pagbagal ng ekonomiya ng Tsina at financial crisis sa Eurozone at madarama ng buong daigdig. Hindi manababatid kung hanggang saaan ang magiging epekto nito sa kalakal.
Matapos ang dalawang sunod na bahagyang pagtaas, ang overseas sales ng manufactured goods ang nagkaroon ng pinakamalaking buwanang pagbaba (9.5%) para sa buong taon, at umabot sa US$4.3 bilyon noong Mayo 2015 mula sa US$4.7 bilyon noong nakalipas na 2014. Naganap ito sa mas mababang kita mula sa semiconductors, machinery at transport equipment, wood manufactures, electronic data processing at iba pang manufactures.
1 2 3 4 5 6
