Senador Enrile inakusahan si Pangulong Aquino sa "three-day presidency"
SENADOR ENRILE, PINUNA SI PANGULONG AQUINO, ATBP. Mabagal kumilos ang pamahalaan sa ilalim ni Pangulong Benigno Simeon C. Aquino III. Ito ang paglalarawan ni Senador Juan Ponce Enrile sa idinaos na Capitan sa Senado kanina. Mabagal kumilos ang pamahalaan tulad noong nagkaroon ng Mamasapano at noong tumama ang bagyong "Yolanda." (Senate PRIB Photo)
BINANATAN ni Senador Juan Ponce-Enrile si Pangulong Benigno Simeon C. Auqino III ng pagkakaroon ng "three-day presidency" sa bagal ng pagkilos sa mga mahahalagang isyu ng bansa tulad ng naganap sa Kidapawan City, ang sinasabing paglustay ng US$ 81 milyon na nakapasok sa Philippine financial system.
Ginawa ni Senador Enrile ang pahayag sa lingguhang Kapihan sa Senado hinggil sa pagtugon ng Anti-Money Laundering Council sa pinakahuling kababalaghan na sinisiyasat ng Senate blue ribbon committee.
Natutulog ang mga nasa pamahalaan tulad ng tatlong araw sa Mamasapano, sa "Yolanda" at sa naganap sa Kidapawan.
Maaaring naiwasan ang kaguluhan sa Kidapawan kung kumilos kaagad ang pamahalaang pambansa. Kung tunay umanong pangulo si G. Aquino, marahil ay lumipad na siya sa Kidapawan at inalam ang tunay na larawan ng situwasyon.
Sinabi ng mambabatas na nagkaroon din ng kahalintulad na situwasyon noong 1974. Nagkaroon ng kakulangan ng pagkain sa Mindanao at ipinadala niya ang lahat ng mais sa Mindanao, giniling at inihalo sa bigas upang magkaroon ng supply at walang umangal na mamamayan.
Ngayon ay pawang mga usap-usapan at walang kaukulang aksyon, dagdag pa ni Senador Enrile.
1 2 3 4 5
