NAGPASALAMAT si Pangulong Benigno Simeon C. Aquino III sa international community sa walang humpay at sawang pagtulong sa Pilipinas at sa mga mamamayan.
Sa kanyang talumpati sa tradisyunal na Vin D' Honneur sa Malacanang kaninang umaga, sinabi ni Pangulong Aquino na nasaksihan ng daigdig ang mga naganap sa bansa mula sa mga trahedyang dulot ng kalikasan hanggang sa kanyang itinuring na man-made calamities. Binanggit niya ang Bagyong Pablo, ang pagbaha dulot ng panahong habagat, sa mga sagupaang naganap sa Zamboanga, sa napakalakas na lindol sa Bohol at hagupit ni "Yolanda" sa malaking bahagi ng kapuluan.
Nakita rin, ani Pangulong Aquino, ang tugon ng mga manggagawang Pilipino sa ibang bansa na sinabayan ng mga Filipino communities sa buong daigdig. Sa tindi ng mga pagsubok, nakaligtas ang mga Pilipino.
May mga bansang tumugon sa pangangailangan ng Pilipinas at nararapat lamang pasalamatan. May mga bansang sa kauna-unahang pagkakataon ay umambag sa pangangailangan ng mga biktima. Hindi umano malilimutan ng mga Pilipino ang tulong na nagmula sa buong daigdig, lalo't higit sa pamamagitan ng pinahahalagahang "utang na loob" ng mga Pilipino.
PANGULONG AQUINO, PINAMUNUAN ANG VIN D'HONNEUR. Pinasalamantan ni Pangulong Benigno Simeon C. Aquino III ang international community sa walang humpay na pagtulong sa mga Pilipino sa panahon ng kagipitan. Tradisyunal na idinaraos ang Vin D'Honneur sa bawat Bagong Taon. (Lauro Montellano, MPB/PNA)
TRADISYUNAL NA VIN D'HONNEUR IDINAOS. Makikita si Pangulong Benigno Simeon C. Aquino III at Papal Nuncio to the Philippines Archbishop Giuseppe Pinto, ang Dean of the Diplomatic Corps sa tradisyunal na toast sa seremonya sa Malacanang kanina. (Rey Baniquet, MPB/PNA)
1 2 3 4 5 6 7
